EISTEDDFOD

Leerders word deur die skool ingeskryf vir die Tygerberg Internasionale Eisteddfod. Die beskikbare afdelings is: Gedigte, Onvoorbereide lees, Musiekitems, Skeppende skryfwerk en Openbare Redevoering.

Die leerders word gekies deur hul onderwysers. U sal per brief in kennis gestel word rakende inskrywingsgeld en datum van optrede. Hou ook die Everfokus dop vir uitslae. Die beoordeling vind plaas tydens Augustus en elke kind ontvang ‘n setifikaat met die prestasie daarop.