JUNIORKOOR

Die Juniorkoor bestaan uit Gr.1-3 leerders. Om te seker te maak dat geen jong, ontwikkelende stem verlore gaan nie, word alle Gr. 1-3 leerders aan die begin van elke jaar vir die koor getoets. Die ledetal wissel jaarliks, afhangende van die stemkwaliteit. Nie net is hierdie ‘n wonderlike geleentheid om maats te maak nie, maar hier leer ‘n kind reeds vanaf ‘n jong ouderdom selfdissipline en deursettingsvermoë. 

Kooroefeninge vind op Dinsdag-, Woensdag- en Donderdagoggende vanaf 07:45 – 08:20 plaas. Hul neem jaarliks aan verskeie Eisteddfods en ander geleenthede deel en geniet die uitvoering van verskeie repertoire. Die koor is onder leiding van Mev. Annerine Burger en word deur Mev. Marna Prozesky begelei.

SENIORKOOR

Belangstellende Gr 4-7 leerders lê aan die einde van elke jaar oudisies af, ten einde ‘n moontlike plek in die Seniorkoor te verseker. Die uitgesoekte groep leerders tree jaarliks by verskillende geleenthede en kompetisies op, waaronder die nasionale ATKV APPLOUS kompetisie. Die koor het in 2022 landswyd tweede plek behaal in die Prestige afdeling en wen die prys vir die beste uitvoering van die voorgeskrewe werk.

Die koor staan onder leiding van Annerine Burger (dirigent) en Marna Prozesky (begeleidster). Weeklikse oefeninge vind plaas op Dinsdae 18:00-20:00 en Vrydae 13:00-14:15. Die koor se doelwit is om elke leerder tot sy/haar volle potensiaal te ontwikkel – as individu, maar ook as deel van ‘n groep.