KURRIKULUM

ENTER TO LEARN, LEAVE TO SERVE

Ons Fokus

Ons doelwit is dat leerders vroeg in hul studies ‘n hoë vlak van betrokkenheid bereik om as kreatiewe en kritiese denkers, skrywers en sprekers te ontwikkel. Ons fokus op die verandering in die manier waarop ons verskillende leerstyle leer en inkorporeer om ‘n meer individuele benadering tot leer te bereik. Die fokus is op ons kernkurrikulum en hoe ons dit aan ons leerders in ‘n meer relevante en media-ryke formaat aanbied.

Ons kurrikulum

Ons het ons eie digitale kurrikulum ontwikkel en uitgebou deur gebruik te maak van verskeie oopbronmateriaal, beskikbaar vanaf die Departement van Basiese Onderwys. Hierdie materiaal vorm die basiese inhoud wat ons verder ontwikkel. Ons kurrikulumontwikkeling is in lyn met die voorgeskrewe KABV (Kurrikulum Assesserings Beleidsverklaring) riglyne. Leerders ontvang hierdie kurrikulum deur gedrukte handboeke en ook in ‘n e-formaat.

Tegnologie-integrasie

Eversdal is ‘n Microsoft Showcase-skool wat Office365-sagteware op verskillende toestelle gebruik. Office365 is gratis beskikbaar aan al ons leerders. Ons het ‘n BYOD-program (“Bring Your Own Device”) wat toelaat dat verskillende toestelle by die skool gebruik word. Leerders in Gr. 6 en 7 wat nie hul eie toestel skool toe bring nie, werk op die skool se tablette.

Tablet-onderwys stel leerders in staat om hulself opvoedkundig te versterk deur hul eie inhoude te skep en dit te kommunikeer deur met verskillende media te werk, asook om met leerders van regoor die wêreld saam te werk. Ons praat minder en leer meer. Wanneer leerders self skep, verstaan hulle beter.

OneNote as onderrigmiddel

Ons personeel onderrig ons kurrikulum deur Microsoft OneNote. OneNote is oral beskikbaar op ‘n rekenaar/skootrekenaar, tablet of selfoon. Die OneNote-platform van die individuele leerder behels dat hy/sy hul leerinhoud (handboek) elektronies, in kleur, ontvang. Binne hierdie platform kan onderwysers enige bykomende inhoud in enige media (bv. gewone inhoud, prente, video’s, stemverklarings, ens.) binne die vakke invoeg.

Hierdie platform vorm die basis waar alle leer in die klas plaasvind. Die onderwyser projekteer sy/haar inhoud direk vanaf hul tablet op die bord of televisie. Die voordeel hiervan is dat al die media-ryk inhoud ‘lewendig’ is en daardeur voorsiening maak vir al die verskillende leerstyle in die klaskamer. Die feit dat al die relevante inhoud in een gestruktureerde platform beskikbaar is, maak dit vir ons leerders maklik om effektief te funksioneer. Die leeromgewing van elke leerder is “privaat” met slegs die onderwyser wat toegang het daartoe. Dit maak dit maklik vir onderwysers om individuele leer te monitor en om addisionele ondersteuning te bied.

Dit maak ‘n hele nuwe vlak van leer oop en ons leerders kan teen hul eie tempo werk en word bemagtig om aktief betrokke te wees by hul eie leer. Deur aantekeninge te maak, toepaslike media in te voeg en inhoude te skep, word ons leerders toegerus met baie belangrike vaardighede wat belangrike intellektuele denkwyses sal ontwikkel.

STEM-kurrikulum

Om te verseker dat ons ons leerders uitdaag om nuwe denkwyses te ontwikkel, het ons ‘n STEM-kurrikulum (Wetenskap, Tegnologie, Ingenieurswese en Wiskunde). Ons doen kritiese probleemoplossingsprojekte om ons kreatiewe denke uit te druk deur ontwerp en vervaardiging.

Kodering

Ons leerders vanaf Gr. 4 tot 7 doen kodering om logiese denke en probleemoplossingsvaardighede te ontwikkel. Ons kodeer deur middel van Scratch. Leerders geniet die skep van hul eie omgewing waar hulle hul oplossings vir probleme kan uitwys.