ATLETIEK
Algemene inligting
- Atletiek is ‘n individuele sportsoort, binne ‘n spansport; daarom word alle atlete gekies volgens hulle individuele prestasies, sodat die hele span die maksimum voordeel trek.
- Atletiek bestaan uit velditems en baanitems.
- Juniors (Gr.1 – 3) neem slegs deel aan naellope.
- Die buitemuurse program het ‘n tydgleuf vir die “Skool Atletiekspan”, wat slegs vir die span is, en ‘n tydgleuf vir “Ander Atlete”, vir almal wat graag wil oefen.
- Oefeninge word bygewoon in Evergymklere.
- Ons verwag van spanatlete om ten minste een oefening per week by te woon, indien daar ‘n geldige rede is vir die misloop van die tweede sessie.
- Afrigters moet ingelig word indien ‘n atleet nie ‘n oefening kan bywoon nie.
Raadpleeg asseblief die buitemuurse program vir oefentye soos op webwerf.
Spanseleksie
- Atlete wat gekies word vir deelname aan byeenkomste, word hoofsaaklik saamgestel uit die uitslae van die Top 6 Atletiekbyeenkoms van kwartaal 1 en die Interhuis-atletiekbyeenkoms van kwartaal 4.
- Eerste en tweede plekke word in ag geneem vir die insluiting in die atletiekspan.
- ‘n Atleet wat gedurende die seisoen groot verbetering toon, kan bo die nommer 1 of 2 atleet gekies word, vir ‘n spesifieke byeenkoms.
Atletiekbyeenkomste
Byeenkomsdrag: Sien Klerebeleid LAERSKOOL EVERSDAL KLEREBELEID
- Atletiekbyeenkomste vind plaas op verskillende dae.
- Elke byeenkoms is uniek, daarom het almal verskillende reëls, items en programme.
- Inligting rakende die byeenkomste en spanlyste sal deur the sportkantoor via ‘n e-pos skakel uitgestuur. Reageer asseblief spoedig om die kantoor in te lig oor die beskikbaarheid van die atleet.
