SWEM

Algemene inligting

• Swem is `n somersport (1ste en 4de kwartaal)
• Swemmers moet reeds waterveilig wees.
• Die buitemuurse program maak voorsiening vir groepe met verskillende vaardighede.
• Aandag word aan die aanleer van die verskillende swemstyle, asook fiksheid gegee.
• Eversdal se swembad is 1,2 m diep en 25 m lank.
• Raadpleeg asseblief die buitemuurse program vir oefentye soos op webwerf.

Swemklere

• Dogters swem in `n navy of swart swembroek.  Geen tweestuk swembroeke is toelaatbaar nie. 
• Die dra van `n swempet is verpligtend vir dogters. (enige kleur)
• Seuns mag in `n navy/swart speedo of `jammer` swem, of in hul navy Evergym kortbroek. 
• Swemmers meld aan by die swembad geklee in hul Evergymklere.
• Elkeen moet hul eie handdoek hê.
• Die dra van `n swembril is opsioneel.

Spanseleksie

• Aan die einde van elke jaar word geleentheid gegee vir proewe.
• Na afloop van die eerste skolegala sal daar ‘n tydtoets plaasvind wat swemmers geleentheid bied om hulle swemtye te verbeter.
• Die graad 1`s en nuwe leerders se proewe word aan die begin van die jaar gehou.
• Na afloop van die proewe word swemmers gekies om aan die Evergala deel te neem.
• Die uitslae van die Evergala bepaal watter swemmers in die Junior A- en Senior A-spanne opgeneem word. 
• Daar word verwag dat die Junior A- en Senior A- swemmers ten minste een oefensessie per week bywoon. 
• Klubswemmers wie se oefenprogramme bots met die skool s`n, moet asb. die afrigter per e-pos in kennis stel.

Galas

Swemdrag vir galas:  Sien Klerebeleid LAERSKOOL EVERSDAL KLEREBELEID

• Sommige A-span swemmers word gekies om Eversdal te verteenwoordig by galas.
• Eversdal neem deel aan `n verskeidenheid uitnodigingsgalas.
• Elke gala is uniek, daarom het sommige galas ander reëls, swemitems en programme.
• Ons skool bied die jaarlikse Interhuisgala aan.