RUGBY
Ons streef daarna om ‘n omgewing te skep waarin ons spelers rugby kan geniet en goeie sportmangees floreer. Regverdigheid seëvier beide op en van die veld. Evers is nederig in oorwinning en waardig tydens nederlae. Ons speel om te wen, maar nie ten alle koste nie en erken beide deelname en prestasie.
Algemene inligting
- Die rugbyseisoen begin aan die einde van die eerste kwartaal en eindig in September, gedurende die derde kwartaal.
- Spelers oefen in enige rugbybroek en T-hemp/rugbytrui.
- Neem asseblief kennis dat tydens koue dae ‘n speler ‘n swart “second skin” kan dra (hemp en/of broek).
- Indien ‘n speler aan meer as een wintersport deelneem, moet hy minstens een oefensessie, gedurende die week, bywoon, om te kwalifiseer vir ‘n wedstryd.
Raadpleeg asseblief die buitemuurse program vir oefentye soos op webwerf.
Spanseleksie
Junior (o/7 – o/9) en Senior (o/10 – o/13) spanne word almal op meriete, deur die afrigters, gekies. Spelers in die laagste span(ne) in elke ouderdomsgroep (afhangende van aantal spelers in die groep) sal geroteer word om almal ‘n geleentheid te gee om ‘n wedstryd te speel.
Wedstrydinligting
Wedstryddrag: Sien Klerebeleid LAERSKOOL EVERSDAL KLEREBELEID
- Wedstryde is op Saterdagoggende met die uitsondering van een of twee wedstryde gedurende die week.
- Spanbriewe word gedurende the week deur the sportkantoor via ‘n e-pos skakel uitgestuur. Reageer asseblief spoedig om die kantoor in te lig oor die beskikbaarheid van die speler.
Siekte-en beseringsbeleid
- Indien ‘n speler ‘n wedstryd mis weens siekte en gedurende die week bewys dat hy fiks is, kan die speler terugkeer na dieselfde span.
- Indien ‘n speler ‘n wedstryd mis weens ‘n besering, sal die speler terugkeer na ‘n laer span mits die speler kan bewys dat hy wedstrydfiks is. Hierdie speler moet tydens ‘n oefensessie homself bewys, waarna die afrigter die speler sal assesseer en daarna kan hy terugkeer na sy oorspronklike span.
